Ақтоғай ауданындағы Шабанбай би ауылы Kazakh Tourism компаниясының нұсқасы бойынша туризм үшін еліміздің ең үздік ауылдарының біріне айналды. Жеңімпаздар «Үздік туристік ауыл» ұлттық байқауында анықталды.
Шабанбай би ауылы өзінің табиғаты және тарихымен бірегей. Ол Қызыларай тауының етегінде орналасқан. Орталық Қазақстанның ең биік нүктесі – Ақсораң шыңының биіктігі 1565 метр.
Ауылдың бір жағында орман, ал екінші жағынан көкжиекке дейін – кең дала. Табиғи ландшафттың мұндай үйлесiмi бай және әртүрлi флора мен фаунаны қамтиды.
Сонымен қатар, Шабанбай би маңынан қола дәуіріне жататын Беғазы-Дәндібай мәдениетінің ескерткіштері мен тұрағы табылды.
Сондай-ақ жақын маңдағы таулардан ғалымдар тас дәуіріне жататын жазбаларды және балбалдан – бет әлпеті егжей-тегжейлі өңделген адам мүсіндерін бейнелейтін ежелгі тас бағаналарын тапты.
Шабанбай би ауылының маңында Тоқыраун өзені ағады. Оның бойымен Ұлы Жібек жолы өткені белгілі.
Ауылда экотуризмді дамыту 2008 жылдан басталды. Шабанбай бидің туристік әлеуетіне алғашқылардың бірі болып «Авалон» туристік клубының мүшелері мен оның президенті Виталий Шуптар назар аударған. Сол кезде ол әріптестерімен бірге алғаш рет велоэкспедиция кезінде осы ауылда ат басын тіреген. 2009 жылдан бастап Шабанбай би ауылында қожайындары қонақтарды қабылдауға дайын болған кейбір үйлерге қонақжай мәртебесі берілді, ал 2014 жылы ауылда алғашқы «Сұлутас» қонақүйі салынды. Онда айына 15 –25 турист тоқтайды.
Еуроодақтың қолдауымен жергілікті тұрғындар оқудан өтті. Оларға экотуризм мен үйлерінің жанында орналасқан көрікті орындар туралы айтылды. Сондай-ақ, үкіметтік емес ұйымдардың күшімен Қызыларай қаумалының аумағы абаттандырылды, ал туристер үшін аймақ бойынша карта мен жол көрсеткіш шығарылып, маршруттар әзірленді.
Енді Шабанбай би ауылы жыл сайын БҰҰ Дүниежүзілік туристік ұйымы (UNWTO) өткізетін UN Tourism Best Tourism Village халықаралық байқауында Қазақстанды таныстырады.
