Қарағанды облысының тұрғындары жеке мәселелер бойынша өңір әкімінің кезекті қабылдауында жер учаскелері мен тұрғын үй бөлуді, жеке сектордағы жолдарды асфальттауды, ТКШ мәселелерін шешуді сұрады.
Дәстүрлі түрде Ермағанбет Бөлекпаев Оңтүстік-Шығыстағы мемлекеттік және сервистік қызмет көрсету орталығында қарағандылықтармен кездесті.
Бір сағаттан астам уақыт бойы тұрғындар желіден тыс және онлайн форматта өз проблемаларымен бөлісті.
Олардың шағымдарына қалалар мен аудандардың әкімдері, мемлекеттік мекемелердің басшылары жауап берді. Бірқатар мәселелер бақылауға алынды.
Қабылдауда балалары бар аналар да болды.
– 14 жылдан бері жұбайымызбен және екі балам екеуміз баспана жалдап келеміз. Бұрын Қарағандыда, қазір Теміртауда жалға аламыз. Осы жылдар ішінде біз жетім балалар ретінде кезекте тұрамыз. Бүгін өңір басшысы биыл пәтер алатынымызды айтты. Ол маған қысқа мерзімді курстардан өтіп, жаңа мамандық алуды ұсынды. Шынымды айтсам, мен көптен бері массаж терапиясын үйренгім келді, бірақ қалай оқитынымды білмедім. Менің нөмірімді жазып алып, тегін оқуға болатынын айтты, – дейді Динара Каукаева.
Иван Дядюк Янтарная көшесінің тұрғындары атынан жеке қабылдауға келді. Бірнеше жыл бұрын аймақ басшысының қолдауымен олардың көшелеріндегі су құбырлары толығымен ауыстырылды. Қазылған жерлер басылды, енді тұрғындар жолды асфальттауды сұрайды.
– Біздің көше ешқашан асфальтталмаған. Жаңбыр жауғаннан кейін балалар балшыққа, сазға батады. Аулаға шығу мүмкін емес. Облыс әкімі жақын арада бізде асфальт болады деп уәде береді. Біз жайлы қалада өмір сүреміз деп үміттенеміз, – дейді Иван Дядюк.
Ермағанбет Бөлекпаев барлық мәселелер қаралатынын, ешқайсысы жауапсыз қалмайтынын атап өтті.
