Ұлыбританияның ұлттық валютасы – фунт стерлингтің банкноттары биылғы маусым айынан бастап өзгереді. Енді ондағы көзге үйреншікті ІІ Елизавета патшайымның суретінің орнына Ұлыбританияның қазіргі королі III Карлдың суреті болады,- деп хабарлайды Life09 ақпарат агенттігі Euronews-ке сілтеме жасап.
Бірақ, III Карл суреті барлық купюраларда болмайды. Ол үшін құны 5, 10, 20 және 50 фунт стерлинг болатын банкноттар таңдап алынған. Сондай-ақ, ескі купюралар да айналымда қала бермек.
III Карлдың суреті бейнеленген банкноттардың алғашқы партиясы аукцион арқылы сатыпы, одан түскен қаржы қайырымдылық шараларына жұмсалады, деп жазады басылым.
