Қарағандыда тұрғын үйде жарылыс болды: ер адам үйінді астында қалды
Бүгін таңғы 03:30 шамасында Қарағанды қаласында екі отбасына арналған тұрғын үйде жарылыс болды.Нақтыланған ақпарат бойынша бу жылыту қазандығы жарылып, салдарынан тұрғын үйдің құрылыс конструкциялары бұзылған, - деп хабарлайды Life09 ақпарат агенттігі tengrinews.kz- ке сілтеме жасап.
"Өртке қарсы қызмет келгенге дейін №2 пәтерден 5 адам, оның ішінде 2 бала өз бетімен шықты", - делінген хабарламада.
ТЖД күшімен үйінді астынан ер адам шығарылып, медициналық жедел жәрдем бригадасына берілді. 24 адам және 6 техника жұмылдырылды.
