Қырғызстанның Көкбөрі федерациясы Қазақстан тарапына Келісім кубогын 1 қарашада Ыстықкөл жағасында өткізуді ұсынып отыр, деп хабарлайды LIFE09 ақпараттық агенттігі Sputnik.kz-ke сілтеме жасап.
Көкбөрі федерациясының басшысы Рамис Жүнісәлиев баспасөз мәслихатында Қазақстанның көкпар федерациясына шақыру хат жолданғанын атап өтті.
"Біз сол құраммен көкбөрі мен көкпарды 1 қарашада ойнауды ұсынамыз. Бұл ойын екі халықтың арасындағы алауыздыққа себеп болмауы керек. Біз халықтарымыздың келісімі үшін жеке амбициядан бас тартуға дайынбыз. Төреші басқа елден болады", - деді Жүнісәлиев.
