Қарағанды облысының православ шіркеуінде 18 және 19 қаңтарда Шоқыну мерекесі тойланады. Өңірде суға түскісі келетіндер үшін 16 орын ұйымдастырылған.
Мереке кезінде қауіпсіздік шаралары туралы Дін істері басқармасының басшысы Жанболат Сектай, Қарағанды және Шахтинск Епархиясы Қарағанды Введен кафедралды шіркеуінің протоиерейі Ахия Рахымжанов және ТЖД Азаматтық қорғаныс басқармасының бастығы Мейрамбек Батырқұлов айтып берді. Брифинг Өңірлік коммуникациялар қызметінің платформасында өтті.
ТЖД дайындық іс-шараларын өткізді, сүңгу орындары тексерілді, мұз өлшенді. Жаппай шомылу орындарындағы қоғамдық тәртіпті полиция қызметкерлері, құтқарушылар, дәрігерлер мен еріктілер қадағалайтын болады.
– Қазіргі уақытта облыс тұрғындары арасында шомылу кезінде жадынама әзірленіп, таратылды. Суды дұғалап тазарту рәсімін жасау үшін 16 орын анықталды және діни қызметкерлер бекітілді, бірақ өтінімдер түскен сайын тізім өзгеретін болады, – деді Жанболат Сектай. – Қарағандыда бұл Федоров су қоймасы ("Маяк" яхта клубы) және Введен шіркеуінің аумағындағы купель. Қасиетті рәсім сағат 09:00-де басталады.
Ахия Рахымжанов Құдайы шоқыну рәсімінен өту тарихы туралы айтып, православие христиандары бұл мерекені ғибадатханаларда ғибадат етуде атап өтетінін мәлімдеді.
Қауіпсіздік шаралары туралы Мейрамбек Батырқұлов еске салды. Ол шомылу тек арнайы жабдықталған жерлерде өтуі керек екенін түсіндірді.
– Егер жабдықталмаған жерге секіріп немесе абайсызда түссеңіз, адам мұздың астына тартылып, мұз астына ағып кетуі мүмкін. Күрт сүңгу кезінде жүрек-қан тамырлары ауруларынан зардап шегетін адамдар жоғары тәуекелге ұшырайды. Суық суға түспес бұрын, созылу, жылыну, кішкене физикалық жаттығулар жасау керек. Аяқ киім, сүлгі, құрғақ заттар, жылы шұлықтар, ыстық шай құйылған термос әкелу керек, – деді Мейрамбек Батырқұлов.
Алкогольді ішімдіктерді ішуге, суға секіруге тыйым салынады - әсіресе бұрыштап, сондай-ақ купельді өз бетінше жабдықтап, майналар жасауға болмайды. Алғаш рет суға сүңгитіндер басымен суға түспеуі керек.
