Сауд Арабиясының орасан бөлігі мен қасиетті Мекке қаласын топан су басты. Төпелеп жауған жауыннан көшелер өзенге айналып, көп көлікті су шайып кеткен. Жүргізушілер мен жағалауға барушыларға сақ болу туралы ескерту жасалды, деп хабарлайды Life09 ақпарат агенттігі.
Елдің метеорологиялық департаменті Меккемен бірге Мәдина және Джидда шаһарларында да қауіптің қызыл түсін жариялады. Болжамдарға қарағанда, жауын мен тасқын ертеңге дейін жалғасады. Аймақтың кейбір аудандарында бұршақ жауып, құмды дауыл көтерілмек. Дегенмен, әзірге құрбандар туралы мәлімет жоқ.
