Өзбекстанда жол бойына тас құлап, 3 адам мінген көлікті басып қалды, деп хабарлайды LIFE09 ақпараттық агенттігі Orda.kz-ке сілтеме жасап.
Podrobno.uz басылымының мәліметінше, алып тас жолда кетіп бара жатқан Chevrolet Cobalt көлігінің үстіне түскен. Қайғылы оқиға 6 қарашада сағат 16:00-де Қашқадария облысындағы Тахтақараша асуында болған. Көлік Китабтан Самарқандқа бара жатқан. Үш адам оқиға орнында көз жұмды. Қайтыс болған азаматтардың жеке басы нақтыланады.
Қазіргі уақытта қайғылы оқиға болған жер уақытша жабылған.
