Маңғыстау облысында газ бағасы 50 теңге болып бекітілді. Бұл туралы Ақпарат және қоғамдық даму министрі Айда Балаева өзінің әлеуметтік желідегі парақшасында жазды, деп хабарлайды Saryarqanews.kz тілшісі.
"Үкіметтік комиссия Ақтау қаласындағы Ынтымақ алаңына жиналған белсенділермен кездесті
Кездесуде Ақтау қаласының бастамашыл тобымен келіссөздер барысында қабылданған шешімдер жарияланды. Атап айтқанда, "ҚазМұнайГаз"ҰК АҚ әлеуметтік жауапкершілігі аясында Маңғыстау облысында сұйытылған газ құнын төмендету және литріне 50 теңге бағасын белгілеу туралы айтылды.
Сондай-ақ, алаңда болған адамдарды жауапкершілікке тартпау туралы кепілдік берілді.
Сондай-ақ, тараптар туындаған барлық мәселелерді сындарлы диалог аясында және қолданыстағы заңнама шеңберінде шешуге келісті", -деп жазды министр.
