Айтбек Амангелді Бақытжан Байжанов пен Қуандық Бишімбаевтың қайғылы оқиға болған күні Салтанат Нүкенованы тірілтіп алмақ болған әрекетіне пікір білдірді, деп хабарлайды LIFE09 ақпараттық агенттігі stan.kz сілтеме жасап.
"Байжановтың сөздері жұрттың аяушылығы мен жанашырлығын оятуы мүмкін. Бірақ мен алданбауларыңызды сұраймын. Олар бірге қылмыс жасап, Салтанатты өлтірді. Сол сәтте Салтанаттың жан тапсырғанын біле тұра, суық денесіне өтірік реанимациялық процедуралар жасады. Бұл – оның денесін мазақ қылу.
Жедел жәрдем диспетчерімен сөйлескен жазбаларды тыңдағанда, ең әуелі оның мәйітін келеке еткені үшін ашуландым. Бұл ешқандай көмектесуге бағытталған әрекет емес", – деді сот отырысында марқұмның ағасы.
