Қарағанды облысының табиғатты қорғау полициясы Балқаш көлінің түбін қараусыз қалған торлардан тазартуды жалғастыруда, деп хабарлайды Polisia.kz.
Полицейлер табиғат қорғаушылармен бірге Тасарал шығанағында жұмыс істеді. Олар Балқаш көлінің осы учаскесінде көлдің түбі мен оған іргелес аумақты тасталған балық аулау торларынан тазартты.
"Тормен балық аулау су объектілеріне үлкен зиян келтіреді. Гүлденген, балыққа толы көл бірнеше жылдан кейін күйдірілген шөлге айналады. Мәселе тек осымен шектелмейді. Браконьерлер өз торларын жиі тастайды", - дейді Қарағанды облысы ПД ЖПҚБ табиғатты қорғау полициясы бөлімінің бастығы Ерболат Изатов.
Нәтижесінде, оларға енген балық өліп, ыдырап, тоғанды ластайды. Тек бір күннің ішінде Балқаш көлінің 45.1 учаскесінде осындай 150-ден астам браконьерлік тор жиналды, бұл шамамен 15 км сымнан тоқылған тор.
