Бүгін 6 қалада жайсыз метеорологиялық жағдай қалыптасып, ауа ластануы мүмкін, деп хабарлайды Life09 ақпарат агенттігі «Қазгидромет»-ке сілтеме жасап.
3 наурызда Қарағанды, Теміртау, Өскемен, Риддер, Орал, Ақтөбе қалаларында қолайсыз метеорологиялық жағдайлар қалыптасып, ауа ластанады, - деп жазылған хабарламада.
Қолайсыз метеорологиялық жағдай — атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
