Теміртауда инженерлік инфрақұрылым жаңартылып, жолдар жөнделуде. Биыл 5 шақырымға жуық жылу желісі жаңғыртылды. Сондай-ақ, су құбыры желілері қайта жөнделіп, жаңа электрмен жабдықтау желілері салынуда.
Осы және басқа да мәселелерді Қарағанды облысының әкімі Ермағанбет Бөлекпаев Теміртау тұрғындарымен кезекті кездесуінде талқылады.
– Біз үшін маңызды басымдық – сенімді жылумен жабдықтау және тұрғындардың жайлылығы, жылыту маусымының апатсыз өтуі. 2022 жылдан бастап Теміртауда магистральдық жылу желілерін қайта жаңарту жұмыстары жалғасуда. Биыл шамамен 5 шм жаңғыртылды. Жыл соңына дейін үш жоба бойынша жұмыстар аяқталуы тиіс. Келесі жылы тағы екі жобаны аяқтау жоспарланған – Мичурин және Ушинский көшелерінде және Мир даңғылында. Су құбыры желілерін қайта құру және салу бойынша да ауқымды жұмыстар жүргізілуде. Біз «Қарағанды-Теміртау» су құбырын қайта жаңарту жобасын бюджеттік несие түрінде қолдадық. Жұмыс 2026 жылы жалғасады. Бұл қаланы сумен тұрақты қамтамасыз етеді, – деді Ермағанбет Бөлекпаев.
Қаланы газдандыру да жалғасуда.
Биыл үшінші іске қосу кешені аяқталуда, бұл 2000-нан астам жаңа абонентті табиғи газға қосуға мүмкіндік береді.
Теміртау әкімі Ғалым Әшімов қаланың 9 айдағы әлеуметтік-экономикалық дамуының қорытындылары туралы баяндады. Ол барлық салаларға қатысты болды: өнеркәсіп, ТКШ, медицина, білім беру, тұрғын үй құрылысы және т. б.
– Өнеркәсіпте 20 мыңға жуық адам жұмыс істейтін 160-тан астам кәсіпорын бар. 9 айда 944,7 млрд. теңгенің өнімі өндіріліп, 3,3% артты. Негізгі капиталға 151,2 млрд теңге инвестицияланды, бұл өткен жылдың сәйкес кезеңімен салыстырғанда 62%-ға артық, – деп хабарлады Ғалым Әшімов.
Қалада шағын және орта бизнес дамып, алюминий профилін, тау-кен қазбаларына арналған анкерлік бекітпелер, темір-бетон бұйымдарын жасау бойынша жаңа өндірістер құрылуда.
Тұрғындар қала бойынша және нақты аулалардағы проблемалар туралы айтып берді. ТКШ, абаттандыру мәселелері бұрынғысынша өзекті.
Ақтау ауылының тұрғындары орталық қазандықтың құрылысын күтіп отыр. Жобалық-сметалық құжаттама дайын және мемлекеттік сараптамадан өтті. Жұмыстар қаржыландыру бөлінгеннен кейін басталады.
Сонымен қатар, кездесуде өрт сөндіру депосының қажеттілігі туралы мәселе көтерілді – нысанның құрылысына өтінім орталық органға жіберілді.
Облыс әкімі азаматтарды жеке мәселелері бойынша қабылдады.
Дереккөз: Gov.kz
