Иорданияның Амман қаласында өтіп жатқан күрес түрлерінен 17 жасқа дейінгі спортшылар арасындағы әлем чемпионатында қазақстандық екі спортшы күміс медаль алды, деп хабарлайды LIFE09 ақпараттық агенттігі El.kz-ке сілтеме жасап.
ҰОК мәліметінше, олардың бірі - 51 келіде финалға шыққан Алпамыс Болатұлы. Ақтық сында отандасымыз америкалық Джэйден Рэйниге 5:7 есебімен есе жіберді. Ал 80 келіде белдескен Еркебұлан Анапия финалда нейтралды спортшы Михаил Шкаринге 0:3 есебімен жол берді.
48 келіде қола медальға таласқан Едіге Төлеутаев 1:3 есебімен әзербайжандық Амрах Амраховтан ұтылды.
