2025 жылғы 28-29 наурызда Х мерейтойлық халықаралық RoboLand 2025 робототехника, бағдарламалау және инновациялық технологиялар фестивалі өтеді. Фестивальге дайындық қызу жүріп жатыр.
RoboLand - Қазақстандағы алғашқы және ірі робототехникалық жоба, техникалық шығармашылық пен жаңа технологияларды біріктіретін ең ауқымды форум. Мектеп командаларының қатысуы педагогтар үшін беделді және маңызды: RoboLand ҚР Білім және ғылым министрлігінің олимпиадалары мен конкурстары тізіміне енгізілген.
Фестиваль дәстүрлі түрде Қарағанды қаласындағы «Жастар» спорт кешенінде өтеді.
Жыл сайын фестиваль ауқымы кеңейіп, бәсекелестік деңгейі артуда. Қатысушылардың жасы - мектепке дейінгі балалардан бастап педагогтарға дейін. Биыл екінші жыл қатарынан RoboLand Kazakhstan санатында командалар құрамына оқушылар ғана емес, педагогтар да кіреді.
Тіркеу мен қорытынды шығарудың электрондық жүйесі, сондай-ақ тәуелсіз кәсіби төрешілер алқасы өзгеріссіз қалып отыр. Мерейтойлық жарыстың бас төрешісі - Zerdeli (Астана қ.) білім беру орталығының директоры, бұрынғы Қарағанды облысының білім беруді дамыту оқу-әдістемелік орталығы директорының орынбасары Есбол Рымбекұлы Арынов болады. Ол ақпараттандыруға және оның ішінде робототехниканы дамытуға жетекшілік еткен.
Биыл қатысушылар 17 санат бойынша өзара бақ сынасады, оның ішінде төртеуі - ең қызықты және ойын-сауық номинациялары. Шығармашылық санатта қатысушылар «Робот-құтқарушылар» тақырыбында өз әзірлемелерін ұсынады. Жобалар әртүрлі құтқару операцияларына арналған роботтандырылған жүйелерді әзірлеумен және жасаумен байланысты болуы тиіс. Командалар табиғи апаттар, техногендік апаттар және жедел ден қою мен көмекті талап ететін басқа да жайттар секілді төтенше жағдайларда роботтарды қолдануды көрсететін жобаларды ұсынуы тиіс. Бұл роботтар адамдардың қауіпсіздігі мен құтқарылуын қамтамасыз ете отырып, күрделі және қауіпті жағдайларда тиімді жұмыс істеуге қабілетті болуы тиіс.
«RoboLand 2025» жарысқа қатысушылардың географиясын ғана емес, сондай-ақ түрлі робототехникалық жиынтықтарды пайдалану нұсқаларын да кеңейтеді. Х мерейтойлық фестивальде алғаш рет Fischertechnik өндірушісінің робототехникалық конструкторлары қолданылатын жарыстардың санаты ұсынылады.
Өткен жылдардағыдай жарыстың ақтық сайысы алдында Қазақстан мен Ресей өңірлерінде 18 іріктеу туры өтті. Биыл іріктеу жарыстарына қатысқан топтардың саны рекордтық болды. Еліміздің 5 облысынан, соның ішінде Қарағанды облысының 13 қаласы мен ауданынан және Ресей Федерациясының Серов қаласынан командалар қатысты. Іріктеу жарыстарынла барлығы 1239 команда бақ сынасты, бұл 2000-нан астам қатысушы, финалдық жарыстарға рұқсат алған қатысушылар анықталды. Іріктеу жарысы өткізілмеген облыстардың командалары біліктілік іріктеу арқылы RoboLand 2025 финалына шығуы мүмкін. Оның нәтижелері 10 ақпаннан кейін белгілі болады. Айта кету керек, біліктілік іріктеуге жыл сайынғы қатысушылар - Өзбекстан мен Қырғызстан командаларынан өтініштер келіп түсті.
Фестивальге Қазақстанның және шет елдердің ең мықты командалары жиналады.
«RoboLand 2025» көрмесінде балалар жарыстарда өздерінің шеберліктері мен әзірлемелерін көрсетіп қана қоймай, бейресми жағдайда танысуға және әңгімелесуге мүмкіндік алады. Ол үшін Серік Сәпиев атындағы бокс орталығында «RoboLand PARTY» ойын-сауық бағдарламасын өткізу жоспарланған.
RoboLand фестивалінің ұйымдастырушылары - ҚР Білім министрлігі, Қарағанды облысының білім басқармасы, Kazdidac қауымдастығы.
Еске салайық, RoboLand фестивалі Қарағандыда 2015 жылдан бері өткізіліп келеді. 2016 жылдан бастап ол халықаралық мәртебеге ие болды. Қарағанды алаңында Ресей, Қырғызстан, Өзбекстан, Әзірбайжан, Грузия, Сербия, Польша, Италия, Грекия командалары өнер көрсетті.
RoboLand 2025 көрмесінде жүздескенше.
Сайттағы жаңалықтарды қадағалаңыздар www.roboland.kz.
Қосымша ақпарат алу үшін келесі
телефон нөмірлеріне хабарласуға болады:
Тел ./Факс: +7 (7212) 41 51 94
Ұялы. тел.: +7 (776) 006 82 88
E-mail: roboland.kz@gmail.com
