Бүгін Мәдениет және спорт министрі Дәурен Абаевтың қатысуымен Ұлттық спорт түрлері қауымдастығы құрылтайшыларының жалпы жиналысы өтті, дееп хабарлайды LIFE09 ақпараттық агенттігі.
Қауымдастықтың соңғы үш жарым жылдағы жұмысы жайлы есеп беріліп, жаңа Жарғысы қабылданды. Дауыс беру нәтижесінде қабылданған тағы бір шешім – Ұлттық спорт қауымдастығы президентін қайта сайлау. Қауымдастық президенті қызметіне мені жылжытып, сенім артқандары үшін құрылтайшыларға ризашылық білдіремін. Бұл – қоғамдық негіздегі, артар жүгі мол, жауапкершілігі зор жұмыс. Қауымдастық Президентінің екі орынбасары болып сайланған әріптестерім Бақдәулет Сәбитов пен Рауан Кенжеханұлын құттықтаймын!, - деді өз сөзінде «Алтын Қыран» корпоративтік қайырымдылық қорының құрылтайшысы және президенті Исламбек Сәлжанов.
Исламбек Сәлжанов ұлттық спорт – халықтың рухын көтеретін, баршаға ортақ құндылықтарды қалыптастыратын, патриоттық және мемлекеттік сананы нығайтуға көмектесетін маңызды сала екенін атап өтті.
