Қарағанды облысының 70-тен астам кәсіпорны Қазақстан Республикасының жаңа Конституциясы жобасына және алдағы референдумға қолдау білдірді. Еңбек ұжымдарының өкілдері бейнеөтініштерді жазады, кездесулер өткізеді және дауыс беруге қатысу ниеті туралы мәлімдейді. Бастамаға өндірістік алыптар да, өңірдің орта және шағын кәсіпорындары да белсенді түрде қосылуда.
Конституциялық реформаларды қолдайтындардың қатарында – QazTehna зауыты, заманауи машина жасау кешені және облыстың маңызды индустриялық жобаларының бірі бар. Кәсіпорын 2021 жылы SARAN индустриялық аймағының аумағында пайдалануға берілді. Мұнда түрлі түрлендірілген автобустар мен арнайы техникалар шығару жолға қойылған.
Бүгінде зауыт жүк техникасының бағытын дамытып, Саран мен жақын маңдағы елді мекендердің тұрғындары үшін жұмыс орындарын ашуда. Компания машина жасауды дамытуға, салық базасын нығайтуға және өңірдің әлеуметтік тұрақтылығына үлес қосуда.
"Біз үшін Конституцияның еңбек адамының мүддесін қорғауы, тұрақтылық пен ертеңгі күнге деген сенімділікті қамтамасыз етуі маңызды. Мықты құқықтық негіз - кәсіпорындарымыздың дамуы мен отбасыларымыздың игілігі үшін іргетас", – дейді еңбек ұжымының өкілдері.
«Балқаш-Нан» кәсіпорнының қызметкерлері Негізгі заңның еңбек қауіпсіздігі мен оны қорғауға қатысты ережелері олар үшін ерекше маңызды екенін атап өтті. Жұмысшылардың айтуынша, жаңа Конституцияда еңбек қауіпсіздігі мен адам үшін еңбек кепілдіктері туралы бөлек айтылған.
"Жаңа Конституцияда еңбек қауіпсіздігі туралы айтылған. Біз күн сайын пеште және қамыр араластырғышта жұмыс істейміз. Жаңа Конституция бізге қауіпсіз еңбек жағдайына, жұмыс кестесін сақтауға, қорғауға, әлеуметтік қолдауға және демалуға құқық береді. Әрбір адамның еңбегі бағаланады – бұл жаңа Конституцияда бекітілген", – дейді еңбек ұжымының өкілдері.
KLMZ ұжымы Қазақстан Республикасының жаңа Конституциясының жобасын қолдай отырып, зауыттағы әрбір ауысым мен әрбір учаске бүкіл кәсіпорынның жұмысы үшін маңызды екенін, сондай-ақ әрбір азамат елдің болашағына ықпал ететінін атап өтті.
– Біз мықты және әділ мемлекет заңға, ашықтыққа, әрбір адамның құқықтарын құрметтеуге және қоғам мүдделерінің теңгеріміне негізделетініне сенімдіміз. Жаңа Конституция осы қағидаттарды нығайтуға, әділеттілікті қамтамасыз етуге және елдің тұрақты дамуы үшін жағдай жасауға бағытталған, – деп атап өтті «MAKER» ЖШС директоры Андрей Сафонов.
Кәсіпорын қызметкерлері олар үшін еңбек құқықтарын қорғау, әлеуметтік әділеттілік және тұрақты экономикалық даму мәселелері ерекше маңызды екенін айтады. Бүгінде белсенді азаматтық ұстаным танытудың маңызы зор деп санайды.
Референдум – бұл әркімнің ел болашағына өз үлесін қосуына, тұрақтылық пен прогресті қолдауға мүмкіндік.
Дереккөз: Gov.kz
