Жаңа жылдық сыйлықтар мен әшекейлердің үлкен таңдауы, жанды музыка, шеберлік сабақтары, ойындар – Қарағанды қалалық ғылым орталығы қала тұрғындарын AYAZ жәрмеңкесіне шақырады. Ол 21 және 22 желтоқсанда өтеді. Кіру тегін.
Жәрмеңкеде әртүрлі тауарлар мен аксессуарлар ұсынылады. Мұнда алдағы мерекелерге сыйлықтар мен жаңа жылдық әшекейлер таңдауға болады.
Түрлі ұлттық тағамдардан дәм татуға мүмкіндік болады.
Үлкен мәдени бағдарлама жоспарланған. Жанды музыка және әртістердің қойылымдары, шеберлік сабақтары, дәрістер, ойындар мен квиздар өтеді. Қарағандылық стендаперлер келушілердің көңіл-күйін көтереді.
"Бізге отбасыңызбен қосылыңыз, достарыңызды әкеліңіз: біз бірге Жаңа жылдык көңіл-күй көтеріп, ертегі әлеміне енеміз! Жылы күрте мен тон киіп, жылы шарф ораныңыздар және көңілді бас киімдерді киюді ұмытпаңыздар. Барлығын шақырамыз", – дейді ұйымдастырушылар.
Жәрмеңке уақыты 15:00-ден 22:00-ге дейін.
