Қазақстан Республикасының Ішкі істер министрлігі азаматтарды жаңа киберқауіп туралы ескертеді. Бұл қауіп Қазақстан Республикасының Бас прокуратурасы Құқықтық статистика және арнайы есепке алу жөніндегі комитетінің Қоғамдық қауіпсіздік пен қылмыстық қатерлердің тәуекелдерін болжау орталығы тарапынан анықталды
Бірқатар кибершабуылдардың нәтижесінде АҚШ-тың 25 жоғары оқу орнындағы 6000-нан астам оқытушы зардап шеккен.
Интернет-алаяқтар төлем деректемелеріне қол жеткізіп, жалақыны өздерінің банк шоттарына аудару арқылы ақша ұрлаған.
Сарапшылардың айтуынша, мұндай алаяқтық тәсілдер өзге елдерге де, соның ішінде Қазақстанға да бейімделуі мүмкін.
Киберқылмыскерлердің құрбаны болмау үшін ІІМ келесі ұсынымдарды береді:
✅ Күмәнді сілтемелерге өтпеңіз және бейтаныс хаттардың тіркемелерін ашпаңыз;
✅ Күрделі құпия сөздерді қолданыңыз және екі факторлы аутентификацияны қосыңыз;
✅ Есептік жазбаларыңыздың қауіпсіздігін жүйелі түрде тексеріңіз.
Сіздің ең сенімді қорғанысыңыз – қырағылық пен кибергигиена!
Дереккөз: Қазақстан Бас прокуратурасы
