Ақтөбе облысының Байғанин ауданында қатты жаңбыр мен екпінді желдің салдарынан Қарауылкелді ауылындағы металл байланыс мұнарасы бір қабатты дүкеннің үстіне құлады, деп хабарлайды Life09 ақпарат агенттігі Stan.kz-ке сілтеме жасап.
Оқиға салдарынан үш адам жарақат алып, аудандық ауруханада қажетті медициналық көмек көрсетілді. Дәрігерлердің мәліметінше, зардап шеккендердің жағдайы тұрақты.
Дауылдан бірнеше ғимарат зақымдалып, аудан орталығында электр жарығы мен ұялы байланысты қалпына келтіру жұмыстары жүргізіліп жатыр.
Облыс әкімі Асхат Шахаровтың тапсырмасымен арнайы комиссия құрылып, келтірілген шығынды бағалау жұмыстары басталды. Зерттеу қорытындысына сәйкес жергілікті төтенше жағдай жариялау мәселесі қаралады. Коммуналдық және төтенше жағдайлар қызметтері күшейтілген режимде жұмыс істеп жатыр.
Ақтөбе облысында қатты желден байланыс мұнарасы құлап, үш адам зардап шекті
Фото: Gemini ИИ
