Қарағанды облысының әкімі Ермағанбет Бөлекпаев Бұқар жырау ауданының тұрғындарымен кездесті. Жергілікті азаматтар проблемалар туралы айтып қана қоймай, ауылдардағы өмір сапасын жақсарту жөніндегі ұсыныстарымен де бөлісті.
Мысалы, Қушоқы кентінің жергілікті өзін-өзі басқару қоғамдастығының хатшысы Ольга Аманжолова бұрын жатақхана болған бос бес қабатты ғимаратты қайта құруды ұсынды.
- Бұл ғимарат 2018 жылы кент әкімдігінің балансына берілді. 34 пәтер бар. Егер күрделі жөндеу жасасаңыздар, кезекте тұрғандарға баспана бере аласыздар және барлық қажеттілікті жаба аласыздар. Бүгінде тұрғын үй кезегінде 25 адам тұр. Қайта құрудың жобалық-сметалық құжаттамасы бар, ол өткен жылы жасалған. Осы жобаны қолдауды және қаржыландыруды сұраймыз, - деді Ольга Аманжолова.
Зейнеткер Галина Вотчель кездесуге Үштөбе ауылынан келді. Оны газдандыру мәселесі толғандырады.
- Біздің ауыл Күнгейге жақын, арамыз екі шақырым ғана. Егер бізге Күнгеймен бірге газ өткізсе, керемет болар еді. Өмір бойы пешпен арпалысып келеміз. Үш жылдан бері барлық инстанцияларға хат жазып келеміз. Бізді қолдайсыздар деп үміттенеміз, - деп ол белсенді ауылдастарының атынан бұл істі жеделдетуді сұрады.
Аудан орталығының тұрғындары Ботакарда орталық қазандық пен кәріз салуды ұсынды. Олар кентте қоғамдық көліктің жұмысын реттеуді сұрады. Сондай-ақ, кездесуде жолдарды жөндеу мәселелері көтерілді.
- Сіздер өте жақсы ұсыныстар айттыңыздар. Шынында да, жатақхананы қайта құру тұрғын үй тапшылығы мәселесін шеше алар еді, ал Үштөбені газдандыру да қолдан келетін жұмыс. Ботақарадағы орталық жылу көзі мен кәріздің қажеттілігін біз де мойындаймыз. Осы ұсыныстардың барлығы ескеріліп, оларды кезең - кезеңімен жүзеге асыратын боламыз, - деді Ермағанбет Бөлекпаев. - Жолдар да бақылауға алынды. Ауданда барлығы 29,5 км жөндеу жоспарланған.
Новостройка кентінде, сондай-ақ Төрткөл, Геологиялық ауылдарда жолдарды орташа жөндеу жоспарланған. Асфальт Доскейдегі және Ғ. Мұстафин атындағы кенттегі жайлы мектептердің кіреберіс жолдарында да пайда болады. Кезекте тұрғандарды тұрғын үймен қамтамасыз ету үшін екі бес қабатты үй қалпына келтірілуде.
Кездесуден кейін Ермағанбет Бөлекпаев тұрғындарды жеке мәселелері бойынша қабылдады.
