Павлодарда 12 жастағы ауыл мектебінің оқушысы нәрестелі болды, деп хабарлайды LIFE09 ақпарат агенттігі Orda.kz-ke сілтеме жасап.
Бұл туралы Павлодар облысының білім басқармасы хабарлады.
«Бұл жағдай аудандардың бірінде болды. Бойжеткеннің жасы жақында 13-ке толатыны хабарланды. Мұғалімдерге шара қолданылды. Мектеп директорын жұмыстан босату туралы шешім қабылданды, ал білім бөлімінің басшысы қатаң жаза түрінде жауапқа тартылды» деп хабарлады білім басқармасы.
Бұл факті бойынша тергеу тағайындалып, оның қорытындысы әлі шығарылмаған. Облыстық білім басқармасы мен мұғалімдер оқушының жүкті болғанынан бастап босанғанға дейін білген. Медициналық мекеме бұл ақпаратты жарияламады. Ал, білім басқармасы жүкті болу фактісі мектепте анықталғанын түсіндірді.
Павлодар облысында босанған 12 жасар қызды зорлады деген күдікке туысы ілінді.
Бұл туралы бала құқықтары жөніндегі уәкіл Динара Зәкиева хабарлады.
«Қыз зорлау фактісі бойынша Қылмыстық кодекстің 120-бабының 4-бөлігі бойынша сотқа дейінгі тергеу амалдары жүргізілуде. Бұл оқиға сәуір айында тіркелген. Қазір сот-психиатриялық сараптама жүргізілуде. Күдікті ретінде жәбірленушінің туысы танылды», – деді Зәкиева
