Физика-математика ғылымдарының докторы, профессор, Ұлт жанашыры, қоғам қайраткері, ХХ ғасыр ғұламасы Темірғали Әбілдаұлы Көкетай өмірден озды.
Темірғали Көкетай – әлемге әйгілі ғалым. 1999 жылы Ұлыбританияның Кембридж университетінің жанындағы Халықаралық географиялық орталықтың шешімімен «Ғасыр адамы» атағын алған қазақ.
Ғылымның жілігін шағып, майын ішкен әлем физиктері оның ашқан жаңалығын түгел мойындады. Темірғали Көкетайды ағылшындар, жапондар өз университеттеріне шақыртып, профессорларға дәріс оқытқан.
Ғалым кристалдардағы жарықтың табиғатын зерттеп, студент кезінде-ақ, кристалды қолдан өсірген дара тұлға.
"LIFE09" ақпарат агенттігі марқұмның жақындары мен туыстарына қайғыра көңіл айтады. Алла әулетіне сабыр берсін!
