Халықаралық әйелдер күні қарсаңында Қарағанды облысында халықтың әлеуметтік осал топтарынан 32 441 адам қолдау шараларымен қамтылады. Төлемдер аудандық және қалалық бюджеттердің мүмкіндіктеріне байланысты.
Көп балалы аналар, сондай-ақ «Алтын алқа», «Күміс алқа» белгілерімен марапатталғандар немесе бұрын «Батыр ана» атағын алған Қарағанды, Балқаш, Приозерск, Саран, Теміртау, Ақтоғай, Бұқар жырау, Қарқаралы, Нұра, Осакаров және Шет аудандарының тұрғындағы біржолғы төлем алады.
Бұдан басқа, Саранда балалары мектепке дейінгі білім беру ұйымдарына баратын көп балалы аналарға материалдық көмек беріледі. Шахтинск қаласында мүмкіндігі шектеулі балалардың аналарына көмек көрсетіледі.
Бюджеттен тыс көздерден басқа қалалар мен аудандардың тұрғындарын да мерекемен құттықтайды. Мысалы, азық-түлік жиынтықтары:
- Қарағандыда – I және II топтағы мүгедектігі бар әйелдер мен зейнеткерлерге;
- Балқашта – жалғыз тұратын қарт әйелдерге;
- Ақтоғай және Бұқар жырау аудандарында – аз қамтылған, көп балалы отбасыларға, мүгедектер мен зейнеткерлерге;
- Қарқаралы ауданында – аз қамтылған және көп балалы отбасыларға.
Бұдан басқа, Қарағанды, Балқаш, Саран, Ақтоғай, Бұқар жырау, Қарқаралы, Нұра және Шет аудандарында қайырымдылық акциялары жоспарланған.
Қарағанды облысының жұмыспен қамтуды үйлестіру және әлеуметтік бағдарламалар басқармасының ақпараты бойынша
