Қарағанды облысы бойынша Мемлекеттік кірістер департаменті өңір тұрғындарына мүлік, жер учаскелері мен көлік құралдарына салық төлеу мерзімдері туралы еске салды.
Жеке тұлғалардың салық төлеу тәртібі туралы Өңірлік коммуникациялар қызметі алаңында өткен брифингте Мемлекеттік кірістер департаменті басшысының орынбасары м. а. Алданыш Адамбеков және жеке тұлғаларды әкімшілендіру және жалпыға бірдей декларациялау бөлімінің басшысы Алтынай Байдалина айтып берді.
Жылжымайтын мүлік пен жер учаскелерінің иелері өткен жылға салықты 2024 жылдың 1 қазанынан кешіктірмей төлеуі керек.
Көлік салығы – есепті салық кезеңінен кейінгі жылдың 1 сәуірінен кешіктірмей төленуі тиіс.
Қазақстанда салық төлеуден босатылған азаматтардың санаттары бар. Ақпаратты облыстық мемлекеттік кірістер департаментінен нақтылауға болады.
Сондай-ақ салық сомасын білудің және оны бір уақытта төлеудің бірнеше жолы бар. Бұл ҚР Мемлекеттік кірістер комитетінің ресми сайты: kgd.gov.kz, e-salyq azamat мобильді қосымшасы, сондай-ақ екінші деңгейдегі банктердің мобильді қосымшаларында. Қолма-қол ақшамен "Қазпошта" бөлімшелерінде, екінші деңгейдегі банктерде және төлем терминалдарында төлеуге болады.
– Салықтарды белгіленген мерзімде төлемеген жағдайда, мерзімі өткен әрбір күн үшін ҚР Ұлттық Банкінің базалық мөлшерлемесін негізге ала отырып өсімпұл есептеледі. Хабарлама орындалмаған жағдайда берешек туралы ақпарат өндіріп алу үшін жеке сот орындаушыларына беріледі, – деп атап өтті Алданыш Адамбеков.
