Бүгін Астанада әлем көз тіккен Шанхай ынтымақтастық ұйымының саммиті өтеді, деп хабарлайды LIFE09 ақпарат агенттігі El.kz сілтеме жасап.
Салтанатты іс-шара алдында келген қонақтарды елорда өнерпаздары күмбірлеген күймен қарсы алып жатыр.
Жалпы саммитке 16 елден президенттер, үкімет басшылары және беделді халықарлық ұйым жетекшілері келді. Алқалы жиын алғаш рет ұйымға мүше мемлекет басшылары кеңесінің отырысы мен кездесуі форматында өтеді.
Астана декларациясынан бастап, «Әділ бейбітшілік, келісім және даму үшін әлемдік бірлік туралы» және «ШЫҰ-ны жетілдіру туралы» бастамалар қабылданады. Сонымен қатар Беларусь Республикасына Ұйымға мүше мемлекет мәртебесі беріледі. Жалпы, мемлекет басшылары өзекті халықаралық әрі өңірлік проблемалардың шешімін қарастырады.
