Қарағанды облысының жастар ресурстық орталығының еріктілері жалғызбасты қарт адамдарға, мүгедектерге, ҰОС ардагерлеріне үйлердің аулаларын қардан тазартуға көмектесті. 15 ақпаннан 1 наурызға дейін олар "Қар вахтасын" жүргізді.
– Акцияға облыстың 16 өңірі қатысты. 79 іс-шара өткізілді, оған 299 волонтер қатысты. 1 наурызда акция аяқталды және "Қар вахтасына" қатысқан ең белсенді волонтерлер марапатталды, – деп хабарлады Қарағанды облысы бойынша Волонтерлер фронт-кеңсесінің басшысы Мәдина Тұрсынбекова.
"Вахтаға" қатысқан еріктілер қарт адамдарға көмек көрсету акциясына үлкен ықыласпен қатысқанын атап өтті.
– Осы іс-шара туралы білгенде, біз бірден оған қатысып, қарияларға көмектескіміз келді. Біз бір әйелге көмектестік, оның аты Ханшайым-апа. Біз оның үйіне келгенде, ауласын қалың қар басып кеткенін, тіпті қақпалар да ашылмайтынын көрдік. Біз төрт адам болдық. Жігіттер қарды тазартты, ал қыздар үй жинауға көмектесіп, тамақ дайындады, – деді Қарағанды медуниверситетінің "Самұрық" Студенттік Республикасының қоғамдық жұмыс министрі Айдос Жамалов.
