Оқушының анасының айтуынша, мектептегі мұғалімдер оқушының бағасын қайта қараудан бас тартқаннан кейін сотқа жүгінген.
Павлодарда мектеп оқушысының анасы баласның жылдық қорытындысы төрт болып қалғаны үшін сотқа жүгінген, деп хабарлайды Stan.kz ақпарат агенттігі.
Сот баланың жағына шығып, бағалау даулы екенін және қайта қаралуы тиіс екенін мәлімдеді.
Оқушының анасының айтуынша, мектептегі мұғалімдер оқушының бағасын қайта қараудан бас тартқаннан кейін сотқа жүгінген. Сот процесі барысында жеткіншекке жарты жылдық бағасы негізсіз қойылғаны анықталған. Нәтижесінде бұл жылдық бағалауға әсер етіп, екеуі де төрт болып қалған.
Судья іске Білім және ғылым министрлігін де қатыстырған. Ведомство өкілі орташа арифметикалық мәнді ескере отырып, бағалауды қайта қарау керек екенін жеткізген.
Павлодар мамандандырылған ауданаралық әкімшілік сотының хабарлауынша, ақырында жанжал шешіліп, тараптар татуласқан. Мектеп комиссиясының отырысында даулы бағалау ісі қайта қаралады.
