Осы жылғы шілде айының екінші жартысында ҚР Еңбек және халықты әлеуметтік қорғау министрі Тамара Дүйсенованың Қарағанды облысының халқымен кездесуі жоспарлануда. Онда жұмыспен қамтуға жәрдемдесудің және халықтың табысын арттырудың, сондай-ақ ұлттық біліктілік жүйесін дамыту мен кадрлар даярлаудың өзекті мәселелері талқыланады, деп хабарлайды Saryarqanews.kz облыс әкімдігіне сілтеме жасап.
Министрлікке сұрақтар мен ұсыныстарды келесі байланыс арналары арқылы жіберуге болады: ҚР ЕХӘҚМ ресми интернет-ресурсы, Egov.kz электрондық үкімет порталы арқылы, "Е-Өтініш" (орыс тілінде) suraqtar.kz) азаматтардың өтініштерін қабылдау мен өңдеудің біріңғай платформасы.
Сондай-ақ, келесі телефон нөмірлері бойынша хабарласуға болады: (8-7172) 74-36-03, 74-36-79, 74-37-23.
