ІІМ: Шомылу маусымы басталғалы бері 69 бала суға кетіп, көз жұмды

Қазақстанда шомылу маусымы басталғалы бері су айдындарында 69 баланың өмірі қиылды. Бұл туралы Ішкі істер министрлігі мәлімдеді, деп хабарлайды Life09 ақпарат агенттігі  Qazaqstan.tv-ға сілтеме жасап.

Көптеген қайғылы жағдай шомылуға тыйым салынған немесе арнайы жабдықталмаған орындарда болған. Сондай-ақ, балалардың ересектердің қарауынсыз қалуы және демалыс кезінде алкогольдік ішімдік ішу де оқыс оқиғаларға себеп болған.

ІІМ ата-аналар мен демалушыларды қауіпсіздік талаптарын қатаң сақтауға шақырады. Балаларды су жағасында қараусыз қалдырмау, тек арнайы жабдықталған әрі рұқсат етілген жағажайларда шомылу – қайғылы жағдайлардың алдын алудың басты жолы.