Дүниежүзілік денсаулық сақтау ұйымының басшысы Тедрос Гебрейесус Алматыға бейресми сапармен келді.
Ол денсаулық сақтау министрі Ажар Ғиниятпен, қала әкімі Ерболат Досаевпен кездесіп, С.Асфендияров атындағы медицина университетінде болды. Алғашқы медициналық-санитарлық көмекті дамыту мәселелерін талқылады.
"2023 жылы Нью-Йоркте медициналық сақтандырумен жалпы қамту бойынша жоғары деңгейдегі кездесулер өтеді. Біз МСАК аспектілері бойынша жетекші рөл атқару үшін Қазақстанның бізбен бірге жұмыс істегенін қалаймыз", - деді ДДСҰ басшысы.
Өткен жылы Тедрос Гебрейесус қазақ ақыны Жүрсін Ерманның құдасы екені белгілі болды. Ақынның қызынан туған жиені ДДСҰ басшысының ұлына тұрмысқа шыққан.
Дереккөз: sputnikкз
