Энергетика министрі Алмасадам Сәтқалиев мемлекет бензин бағасының күрт өсуіне жол бермейтінін айтты, деп хабарлайды LIFE09 ақпарат агенттігі Stan.kz-ке сілтеме жасап.
Энергетика министрі Алмасадам Сәтқалиев брифингте Қазақстандағы АИ-92 бензинінің болжамды бағасын айтты. Оның айтуынша, бензин 5 теңгеге қымбаттайды. Министрлік ең жоғары баға литріне 210 теңгеге дейін болады деп отыр.
Егер автожанармай құю бекеттері бағаны күрт, мысалы, бірден 30 теңгеге көтерсе, бұл мәселемен монополияға қарсы агенттік айналысады.
Министр мемлекет мұнай өнімдері бағасының күрт өсуіне жол бермеу үшін әрекет ететінін және ол үшін барлық тетіктердің барын айтты.
"Монополияға қарсы агенттік кез келген уақытта жанар-жағармай құю станцияларының немесе жанармай құю бекетінің белгілі бір желісі монополияға қарсы жоғары кіріс ала бастағанын байқаса және бұл туралы нарық қатысушылары білсе, тергеуді кез келген уақытта бастайды. Сондай-ақ министрлік мұны реттеу үшін барлық қажетті шараларды қабылдайды", – деді министр.
Айта кетейік, бұған дейін Қазақстанда бензин мен дизель отынының бағасын енді мемлекет реттемейтінін хабарлаған едік.
