"Қазгидромет" РМК 25 қарашаға арналған ауа райы болжамын ұсынды, - деп хабарлайды LIFE09 ақпарат агенттігі.

Синоптиктердің мәліметінше, бүгін еліміздің басым бөлігінде қар аралас жаңбыр жауып, боран соғып, көктайғақ болады.

Түркістан облысының солтүстігінде, таулы аудандарында тұман күтіледі, таулы аудандарда күші 15-20 м/с жел соғады.

Жетісу облысының таулы және тау етегіндегі аудандарында тұман күтіледі. Оңтүстік-батыстан жел соғады, облыстың солтүстігінде, шығысында 15-20, екпіні 23-28 м/с жетеді.

Маңғыстау облысының солтүстік-шығысында тұман күтіледі. Шығыстан, оңтүстік-шығыстан жел соғады, екпіні - 15-20 м/с.

Ұлытау облысының солтүстігінде көктайғақ болады. Батыстан, солтүстік-батыстан жел соғады, облыстың солтүстігінде, орталығында екпіні - 15-20 м/с.

Ақтөбе облысының солтүстігінде, орталығында көктайғақ күтіледі.

Қызылорда облысының орталығында тұман күтіледі.

Ақмола облысының басым бөлігінде жауын-шашын, облыстың солтүстігінде, оңтүстік-шығысында қатты жауын-шашын (жаңбыр, қар), бұрқасын күтіледі. Облыстың батысында, солтүстігінде, оңтүстік-шығысында тұман, көктайғақ күтіледі. Солтүстік-шығыстан жел соғады, екпіні - 15-20 м/с7

Астанада қар аралас жаңбыр жауып, бұрқасын, көктайғақ, тұман болады. Солтүстік-шығыстан жел соғады, күндіз екпіні 15-20 м/с.

Қарағанды облысының солтүстігінде кей уақытта қатты қар күтіледі. Облыстың солтүстігінде, шығысында, орталығында бұрқасын, көктайғақ болады.

Батыс Қазақстан облысының солтүстігінде, орталығында, оңтүстік-шығысында тұман.

Шығыс Қазақстан облысының басым бөлігінде қар жауады. Күндіз облыстың солтүстігінде, шығысында бұрқасын болады. Жел оңтүстік-шығыстан соғып күндіз екпіні 25 м/с.

Абай облысының басым бөлігінде қар жауады. Күндіз облыстың шығысында, оңтүстігінде бұрқасын болады. Облыстың шығысында көктайғақ. Жел оңтүстік-шығыстан соғады облыстың шығысында, оңтүстігінде екпіні -15-20 м/с.