Қарағанды облысында ер адамның алты жыл құлдықта болды деген мәлімдемесі жалған болып шықты. Бұл туралы LIFE09 ақпарат агенттігі Астана арнасына сілтеме жасап хабарлайды.

Ер адам Осакаров ауданындағы Молодежное ауылының жанындағы қыстаудан қашып кеткенін айтқан. Шамамен алты жыл бұрын шаруа қожалығының қожайыны оған мал бағуды ұсынған. Бірақ оның құжаттарын тартып алып, жалақы төлемеген дейді.

Ер адам сонда жұмыс істейтін қызға үйленіп, балалы болған. Қыздары қазір екіде. Ер жігіт қашып кетіп, көшеде кезіккен адамға құлдықта болғанын айтып берген. Қашқын Қостанай облысының Аманқарағай қаласына бара жатқанын және сол жерде полицияға арыз жазуға ниетті екенін айтты. Алайда ол жергілікті тәртіп сақшыларына да, еріктілерге де жүгінбеген.

«Мұндай адам бізге де, Қостанай облысы бойынша полиция қызметкерлеріне де жүгінбеді. Егер сондай жағдай болса, біз оған көмектесуге дайынбыз», – деді Қостанай облысының адам саудасының құрбандарына арнаулы әлеуметтік қызмет көрсету баспанасының директоры Нина Косюк.

Қарағандылық құқық қорғаушылар аталған ауданға құл иелері туралы ақпаратты тексеру үшін барды. Бірақ бейнежазбадағы ер адамның есімі Александр емес, Сергей екені және ол Қостанай емес, Павлодар облысының тұрғыны екені белгілі болды. Ал ол бүкіл оқиғаны Қарағандыдан Баянауыл ауданына әйелі мен қызына кету үшін ойлап тапқан.

«Билетке ақша алу үшін бұл оқиғаны ойлап таптым. Мені кейін таппасын деп, өтірік ақпарат айттым», – деді ол.

Айтпақшы, еңбек құлдығының құрбанымын деп таныстырған адам әкімшілік жауапкершілікке тартылмауы мүмкін. Себебі ол сенсациялық роликті ол таратпаған.

Бұған дейін Қарағанды ​​облысында 6 жыл еңбек құлдығында болған ер адам қожайынынан қашып кетті деген ақпарат тараған еді.