Уханьда қайтадан локдаун жарияланды

Из открытых источников

Қытайдың Ухань қаласында қайтадан локдаун жарияланды. Билік вирус белгілері жоқ төрт науқас анықталған соң қала маңындағы бір миллионға жуық тұрғыннан үйде отыруды талап етті, деп хабарлайды LIFE09 ақпараттық порталының тілшісі ВВС ақпарат агенттігіне сілтеме жасап. Цзянся ауданының тұрғындарына алдағы үш күн бойы үйден шықпау жөнінде бұйрық берілді. Екі күн бұрын 12 млн халқы бар Ухань қаласында тұрғындарды әдеттегі тестілеу кезінде екі асимптоматикалық жағдай анықталған. Содан кейін осы екі адамның байланыс тізбегі бойынан ауру белгілері жоқ тағы екі тасымалдаушы анықталған соң, билік дереу карантин туралы қаулы шығарды. Қытай пандемия басталғаннан бері жаппай тестілеу, оқшаулау және ауру жұқтырғандарды қатаң оқшаулауды қамтитын коронавирусқа арсы қатаң шаралар саясатын жүргізіп келеді. Нәтижесінде, Қытайдың ресми статистикасы елде әлемнің көптеген елдеріне қарағанда ковидтен «жан басына шаққандағы» өлім көрсеткіші аз болғанын тіркеді.

Еске сала кетейік, коронавирус ең алғаш 2019 жылы желтоқсан айында дәл осы Қытайдың Ухань қаласында анықталған еді.