Теннистен Ұлыбритания Ашық чемпионатының іріктеу кезеңі өтіп жатыр. Қазақстандық теннисші Бейбіт Жұқаев іріктеу кезеңінің екінші айналымында сәтті өнер көрсетті, деп хабарлайды LIFE09 ақпараттық агенттігі Zakon.kz-ке сілтеме жасап.
Іріктеу кезеңінің финалына жолдама алу үшін қазақстандық серб теннисінің жарық жұлдызы Хамад Медедовичпен (127 АТР) өзара бақ сынасты. Ол қарсыласын 6:7 (3:7), 7:5, 6:4 есебімен жеңіп кетті.
Бұл матчта Жұқаев 27 эйс жасады. Алда Бейбіт Жұқаев Кентен Галимен (Франция, 223 АТР) ойнайтын болады.
Өз кезегінде Зарина Дияс (967 WTA) іріктеу кезеңінің екінші айналымында америкалық Сачия Викериді (138 WTA) айқын басымдықпен ұтты. Есеп: 3:6, 7:5, 7:5.
Бұған дейін хабарланғандай, Тимофей Скатов (229 АТР) словак теннисшісі Лукаш Клейнді (129 АТР) 7:6 (10:8), 7:6 (7:5) есебімен жеңіп, финалға шықты. Михаил Кукушкин француз теннисшісі Бенджамин Бонзиді (152 АТР) 6:4, 7:5 есебімен ұтты. Денис Евсеев (163 АТР) Франция өкілі Титуан Дрогені (133 АТР) 6:4, 7:6 (7:3) есебімен сан соқтырды.
